કૉંગ્રેસની પોતાના ગઢમાં પણ બેઠકો ઘટી


બેંગલોર, તા. 15 : કર્ણાટક વિધાનસભા ચૂંટણીનાં પરિણામોમાં ભાજપનો હાથ ઉપર રહ્યો છે. કોંગ્રેસને કર્ણાટકના છ રાજકીય ઝોનમાં શિકસ્ત મળી છે અને એ પૈકી ત્રણ ઝોન તો તેના ગઢ ગણાતા હતા.
કોંગ્રેસની કોસ્ટલ કર્ણાટક, સેન્ટ્રલ કર્ણાટક, હૈદરાબાદ- કર્ણાટક અને જૂના મૈસુરના પોતાના ગઢમાં પણ બેઠકો ઘટી છે. મુંબઇ-કર્ણાટક, બેંગ્લોર- કર્ણાટક અને હૈદરાબાદ- કર્ણાટકમાં પણ ભાજપને વધુ બેઠકો મળી છે.
મુંબઇ-કર્ણાટકમાં ભાજપને 31, કોંગ્રેસને 16 અને જેડી(એસ)ને બે બેઠક મળી છે. સેન્ટ્રલ કર્ણાટકમાં ભાજપને 16, જ્યારે કોંગ્રેસને માત્ર 4 બેઠક મળી. હૈદરાબાદ-કર્ણાટકમાં કોંગ્રેસ અમુક અંશે પોતાની શાખ બચાવી શકી. અહીં તેને 21, ભાજપને 15 બેઠક મળી. રાજધાની બેંગ્લોર તથા આસપાસની બેઠકોની ચૂંટણીમાં કોંગ્રેસને 13 અને ભાજપને 11 બેઠક મળી છે. ઓલ્ડ મૈસુરમાં પણ કોંગ્રેસની બેઠક ઘટીને 16 થઇ છે.

© 2018 Saurashtra Trust

Developed & Maintain by Webpioneer