હાજીઅલીના દરિયામાં 72 વર્ષ બાદ ચળકતી ગોકળગાયની `વિશિષ્ટ પ્રજાતિ'' મળી આવી

હાજીઅલીના દરિયામાં 72 વર્ષ બાદ ચળકતી ગોકળગાયની `વિશિષ્ટ પ્રજાતિ'' મળી આવી
મુંબઈ, તા. 6 : સમુદ્ર વિજ્ઞાનના અભ્યાસુ શૌનક મોદીને હાજીઅલીના દરિયા નજીક મૉર્નિંગ વૉક કરતી વખતે `ગ્લોસોડોરીસ બૉમ્બેયાના' નામની ચળકતા રંગની ગોકળગાયની અલભ્ય પ્રજાતિ મળી આવી હતી. જાણકારોના મતે છેલ્લે 1946માં એટલે કે 72 વર્ષ બાદ આ સમુદ્રી જીવનાં દર્શન થયાં છે.
સી સ્લગ (દરિયાઈ ગોકળગાય) ખૂબ જ ચળકતા રંગો ધરાવતી પ્રજાતિ છે. એ મોટે ભાગે દરિયાના તળિયે જ રહે છે.
શૌનક મોદીએ જણાવ્યું હતું કે એને સિનિયર સિટિઝન્સ સાથેના વૉક દરમિયાન આ દરિયાઈ જીવડું મળી આવ્યું હતું. મેં એને એક ખડક પર ચોંટેલું જોયું હતું અને એની તસવીરો પાડી લીધી હતી. મેં ગાઇડબુક અને નિષ્ણાતોની મદદથી એને ઓળખી કાઢી હતી, જેમણે તે `બૉમ્બેયાના સ્લગ' હોવાનું જણાવ્યું હતું. હકીકતમાં બૉમ્બે નૅચરલ હિસ્ટરી સોસાયટી (બીએચએનએસ)ના ડિરેક્ટર ડૉ. દીપક આપ્ટેએ એને સર્વપ્રથમ ઓળખી બતાવી હતી, જેઓ મરીન બાયોલૉજિસ્ટ છે.

Advertise

Get News on Google Play

janmabhoomi newspapers on playstore

© 2019 Saurashtra Trust

Developed & Maintain by Webpioneer