એમસીએક્સમાં સપ્તાહ દરમિયાન સોનાના વાયદામાં નરમાઈ

એમસીએક્સમાં સપ્તાહ દરમિયાન સોનાના વાયદામાં નરમાઈ
મુંબઈ, તા. 9 : દેશના અગ્રણી કૉમોડિટી ડેરિવેટિવ્ઝ એક્સચેન્જ એમસીએક્સ પર સમીક્ષા હેઠળના સપ્તાહ (2થી 8 નવેમ્બર) દરમિયાન 19,91,879 સોદામાં રૂા. 93,690.72 કરોડનું ટર્નઓવર નોંધાયું હતું. કીમતી ધાતુઓમાં સોના-ચાંદીના વાયદાના ભાવમાં નરમાઈનો માહોલ હતો. સોનાના વાયદામાં 10 ગ્રામદીઠ રૂા. 486 અને ચાંદીમાં રૂા. 1158નો ઘટાડો થયો હતો. સીસા સિવાયની તમામ બિનલોહ ધાતુઓ ઘટી હતી. એનર્જીમાં ક્રૂડતેલના વાયદા ઘટવા સામે નેચરલ ગૅસ વધ્યું હતું. કૃષિ કોમોડિટીઝમાં કોટનના વાયદાના ભાવમાં સેંકડા ઘટ્યા હતા. સીપીઓ અને મેન્થા તેલમાં ઢીલાશ હતી, જ્યારે એલચીમાં વૃદ્ધિ વાયદાના ભાવમાં રહી હતી.
કીમતી ધાતુઓમાં એમસીએક્સ સોનું ડિસેમ્બર વાયદો 10 ગ્રામદીઠ રૂા. 31,821 ખૂલી, સપ્તાહ દરમિયાન ઈન્ટ્રા-ડેમાં ઊપરમાં રૂા. 31,876 અને નીચામાં રૂા. 31,212ના મથાળે અથડાઈ સપ્તાહના અંતે રૂા. 486 ઘટી રૂા.  31,406 બંધ રહ્યો હતો. ગોલ્ડ-ગિનીનો નવેમ્બર વાયદો 8 ગ્રામદીઠ રૂા. 25,360ના ભાવે ખૂલી, સપ્તાહના અંતે રૂા. 228 ઘટી બંધમાં રૂા. 25,176ના ભાવ રહ્યા હતા. આ વાયદો સપ્તાહ દરમિયાન ઉપરમાં રૂા. 25,400 અને નીચામાં રૂા.25,025 બોલાયો હતો. ગોલ્ડ-પેટલનો નવેમ્બર વાયદો 1 ગ્રામદીઠ રૂા. 3164 ખૂલી, સપ્તાહના અંતે રૂા.45 ઘટી રૂા.3124 બંધ રહ્યો હતો. આ વાયદો ઉપરમાં રૂા. 3165 અને નીચામાં રૂા. 3112 બોલાયો હતો.
ચાંદીના વાયદાઓમાં ચાંદીનો ડિસેમ્બર વાયદો કિલોદીઠ રૂા. 38,628ના ભાવે ખૂલી, સપ્તાહના અંતે રૂા. 1158ના ભાવઘટાડા સાથે બંધમાં રૂા. 37,613 રહ્યો હતો. આ વાયદો સપ્તાહ દરમિયાન ઈન્ટ્રા-ડેમાં ઉપરમાં રૂા. 38,840 અને નીચામાં રૂા. 37,379ના સ્તરને સ્પર્શ્યો હતો. ચાંદી-મિની નવેમ્બર વાયદો કિલોદીઠ રૂા. 38,675 ખૂલી, સપ્તાહના અંતે રૂા. 1172 ઘટી રૂા. 37,639 થયો હતો. આ વાયદો ઉપરમાં રૂા. 38,871 અને નીચામાં રૂા. 37,200 બોલાયો હતો. આ સામે ચાંદી-માઈક્રો નવેમ્બર વાયદો કિલોદીઠ રૂા. 38,800 ખૂલી, સપ્તાહના અંતે રૂા. 1177 ઘટી રૂા. 37,640 બંધ રહ્યો હતો. આ વાયદો સપ્તાહ દરમિયાન ઉપરમાં રૂા. 38,865 અને નીચામાં રૂા. 37,411 બોલાયો હતો.

© 2018 Saurashtra Trust

Developed & Maintain by Webpioneer