કોઇ પણ પ્રકારના પ્રતિબંધ વગર દુકાનો ખોલવાની પરવાનગી આપો : FRTWA

મુંબઈ, તા. 29 : બૃહન્મુંબઈ મહાનગરપાલિકાની સાથે અન્ય વિસ્તારોમાં આવેલા દુકાનદારોએ મહારાષ્ટ્ર સરકારને વિનંતી કરી છે કે પી વન – પી ટુ અને સમયની મર્યાદા લાગુ કર્યા વગર તમામ દુકાનોને ખોલવાની પરવાનગી આપે જેથી દુકાનદારો કર્મચારીઓના પગારની સાથે મકાનમાલિક અને ડેવલપર્સને ભાડું ચુકવી શકે. 
હાલના પી વન અને પી ટુ સિસ્ટમને કારણે દુકાનો એકાંતરે ખોલી શકે છે. આને કારણે દુકાનદારો મહિનામાં માત્ર 12 દિવસ ધંધો કરી શકે છે જે વ્યવહારૂ નથી. 
લગભગ ચાર મહિનાથી લૉકડાઉનને કારણે ધંધો બંધ છે. હવે સરકારે લૉકડાઉનમાં રાહત આપી તમામ સાવચેતીના પગલાં સાથે દુકાનો ખોલવાની પરવાનગી આપશે એવી અપેક્ષા ફેડરેશન અૉફ રિટેલ ટ્રેડર્સ વેલફેર અસોસિયેશનના સભ્યો રાખે છે એમ અસોસિયેશનના અધ્યક્ષ વિરેન શાહે જણાવ્યું હતું.
Published on: Thu, 30 Jul 2020

© 2020 Saurashtra Trust

Developed & Maintain by Webpioneer