વર્લ્ડ કપની સેમી ફાઇનલની હારને એક વર્ષ પૂરા થતાં જાડેજા લાગણીશીલ થયો

વર્લ્ડ કપની સેમી ફાઇનલની હારને એક વર્ષ પૂરા થતાં જાડેજા લાગણીશીલ થયો
એ મૅચ બાદ ધોની હજુ મેદાને પડયો નથી
નવી દિલ્હી, તા.10: તારીખ 10 જુલાઇ 2019 કદાચ ભારતીય ક્રિકેટ ચાહક કયારે પણ ભૂલી શકશે નહીં. આજથી બરાબર એક વર્ષ અગાઉ 2019ના વર્લ્ડ કપનો પહેલો સેમી ફાઇનલ મેચ માંચેસ્ટરમાં રમાયો હતો. જેનું પરિણામ 10 જુલાઈએ આવ્યું હતું. વરસાદને લીધે રિઝર્વ ડેના દિવસે મેચ પૂરો થયો હતો. ભારતને ન્યુઝીલેન્ડ સામે 18 રને આંચકારૂપ હાર મળી હતી. આ મેચમાં રવીન્દ્ર જાડેજાએ પ9 દડામાં 77 રનની યાદગાર ઇનિંગ રમી હતી. જો કે તે ટીમને જીત અપાવી શકયો ન હતો. જાડેજાએ આ દિવસને યાદ કરીને સોશિયલ મીડિયા પર એ દિવસનો ફોટો શેર કરીને લખ્યું છે કે મારી જિંદગીના સૌથી દુ:ખદ દિવસ પૈકિનો એક હતો. ઇંસ્ટાગ્રામ પર ફોટો શેર કરીને રવીન્દ્ર જાડેજાએ લખ્યું કે અમે પૂરી રીતે કોશિશ કરી. પણ કયારેક કયાકેર ખોટ રહી જતી હોય છે. સૌથી દુ:ખદ દિવસોમાંનો એક. 
આ મેચ એમએસ ધોનીનો પણ આખરી મેચ છે. આ પછી તે હજુ મેદાનમાં વાપસી કરી શકયો નથી. એ મેચમાં ધોનીએ 72 દડામાં 50 રન કર્યાં હતા. તે અણીના સમયે રનઆઉટ થયો હતો. એ પછી એવી ચર્ચા ચાલી હતી કે ધોની ઇન્ટરનેશલન ક્રિકેટમાંથી સંન્યાસ લઇ લેશે. જો કે ધોનીએ આજે એક વર્ષ બાદ પણ આ મુદે કોઇ ફોડ પાડયો નથી. તે આઇપીએલમાં રમવાનો છે. 
Published on: Sat, 11 Jul 2020

© 2020 Saurashtra Trust

Developed & Maintain by Webpioneer