કૅપ્ટન પદે વિરાટ કોહલીને બીસીસીઆઈનું અભયદાન

કૅપ્ટન પદે વિરાટ કોહલીને બીસીસીઆઈનું અભયદાન
શાહ, શુકલાએ કૅપ્ટન બદલવાની સંભાવનાઓ ફગાવી
નવી દિલ્હી, તા.14 : લાંબા સમયથી ટીમ ઈન્ડિયાના કેપ્ટન પદેથી વિરાટ કોહલીને ગમે ત્યારે બદલી નાંખવામાં આવશે તેવી ચર્ચા ચાલી રહી છે જેને રદિયો આપતાં ભારતીય ક્રિકેટ કન્ટ્રોલ બોર્ડે આવી કોઈ સંભાવનાથી ઈન્કાર કર્યો છે.
કોહલીની કપ્તાનીમાં ટીમ ઈન્ડિયાએ 38 ટેસ્ટ મેચ જીત્યા છે. તેને ટેસ્ટ ટીમના સફળ કેપ્ટનોમાંથી એક માનવામાં આવે છે. જો કે વન ડે અને ટી 20માં તેની કપ્ટનશીપ સામે વારંવાર સવાલ ઉઠતાં રહે છે. કોહલીના નેજા હેઠળ ભારતીય ટીમે હજુ સુધી એકપણ આઈસીસી ટ્રોફી જીતી નથી.
ટી 20 વિશ્વકપ બાદ કોહલીને વન ડે અને ટી 20ના કેપ્ટન પદેથી હટાવવામાં આવશે અને રોહિત શર્માને શુકાન સોંપાશે તેવી સંભાવનાથી બીસીસીઆઈના ઉપાધ્યક્ષ રાજીવ શુકલાએ ઈન્કાર કર્યો છે. તેમણે કહ્યું કે આવી વાત માત્ર અફવા છે. તેમાં કોઈ સત્ય નથી. ટીમ માટે હાલ ટી 20 વિશ્વકપ મહત્ત્વનો છે. તેના પર જ સંપૂર્ણ ધ્યાન કેન્દ્રિત છે. કેપ્ટન બદવાની કોઈ ચર્ચા જ નથી.બીસીસીઆઈના સચિવ જય શાહે કહ્યં કે ટીમ જ્યાં સુધી સારૂ પ્રદર્શન કરી રહી છે ત્યાં સુધી કેપ્ટન બદલવાનો કોઈ સવાલ જ નથી. કોહલીના સ્થાને રોહિત શમાને મર્યાદિત ઓવરના મેચમાં કેપ્ટન બનાવવાની ચર્ચાને તેમણે બકવાશ ગણાવી હતી.
Published on: Wed, 15 Sep 2021

© 2021 Saurashtra Trust

Developed & Maintain by Webpioneer