ગુજરાતમાં વાઇબ્રન્ટ નવરાત્રિની ઉજવણી થઈ રહી છે, પણ પાલનપુરના રાજગૌર પરિવારમાં તોફાન મચી ગયું છે, જ્યાં સૌથી નાની વહુ હેતલ (ડોલ્ફીન દુબે) એક વહુના પરંપરાગત વર્તનથી વિરુદ્ધ અલગ થવા માગે છે. આ અનઅપેક્ષિત ઘટનાથી પરિવારની સૌથી મોટી વહુ અને પરિવારની સર્વેસર્વા અંબિકા તૂટી જાય છે, કેમ કે તેની સૌથી પહેલી પ્રાથમિક્તા પરિવારને જોડીને રાખવાની છે. સાસુ ક્યારેય મા કે વહુ ક્યારે દીકરી નથી બની શકતી એ માન્યતાને ખોટી સાબિત કરવા માટે, અંબિકા એક અલગ જ પ્રકારનો નિર્ણય લે છે, જેમાં તેના ઘરના દરવાજે એક અનાથ બાળકી કેસરને કોઈ મૂકીને ગયું હોય તેને એક દીકરી તરીકે નહીં પણ વહુ તરીકે ઉછેરે છે. ઝી ટીવી પરથી સાંજના સાડા છ વાગ્યે શરૂ થયેલી સિરિયલ કયુંકી ... સાસ મા, બહુ બેટી હોતી હૈની આ વાર્તા અત્યંત હૃદયસ્પર્શી અને નવીન છે. સિરિયલમાં અભિનેત્રી માનસી જોશી રોય સાસુ અંબિકા અને નવિકા કોટિયા વહુ કેસરની ભૂમિકામાં છે.
