નવી દિલ્હી, તા.14: આઇસીસી સદસ્ય દેશના ક્રિકેટ બોર્ડ માટેનું રેવન્યૂ મોડલ જારી કર્યું છે. જેમાં બીસીસીઆઇને રેવન્યૂનો સૌથી વધુ 38 ટકા હિસ્સો મળશે. આઈસીસીની રેવન્યૂમાંથી બીસીસીઆઇ આવતા 4 વર્ષમાં લગભગ 1800 કરોડ રૂપિયા કમાશે. આ દરમિયાન આઇસીસીની કમાણી અંદાજે 5000 કરોડ આસપાસની હશે. એટલે કે બીસીસીઆઇને 38.5 ટકા હિસ્સો મળશે. આઇસીસીની યાદી અનુસાર બીસીસીઆઇ સિવાયના 11 પૂર્ણ સદસ્ય દેશોના બોર્ડને 10 ટકાથી ઓછો હિસ્સો મળશે જ્યારે બાકીના 90 એસોસિએટ દેશના બોર્ડને 553 કરોડ રૂપિયા ફાળવવામાં આવશે. બીસીસીઆઇ પછી જે સદસ્ય દેશોને આઇસીસી તરફથી રેવન્યૂ મળશે તેમાં ઇંગ્લેન્ડને 6.89 ટકા, ઓસ્ટ્રેલિયાને 6.25 ટકા, પાકિસ્તાનને 5.75 ટકા, ન્યુઝીલેન્ડને 4.73 ટકા, શ્રીલંકાને 4.52 ટકા, દ. આફ્રિકાને 4.37 ટકા, વેસ્ટ ઇન્ડિઝને 4.58 ટકા આઇસીસીની રેવન્યૂમાંથી મળશે.
