ઝી ટીવી પર શરૂ થયેલા એક્સાઈટિંગ ગેમ શૉ બઝિંગાએ દર્શકોમાં ઉત્સુકતા જગાવી છે. આમાં દર અઠવાડિયે ચાર પરિવારો સાથે મળીને અનોખી ઉજવણી કરે છે. આ સાથે જ દર્શકો પણ ઘરે બેઠા આકર્ષક ઈનામો જીતી શકે છે. દર રવિવારે સાંજના પાંચ વાગ્યે પ્રસારિત થતાં આ શૉમાં પરદા પર અને મોબાઈલ એપ્લિકેશનના સમન્વયથી રમવાનું હોય છે. હાલમાં આમાં બઝિંગા ફેમિલી ફેસ્ટિવલ ચાલી રહ્યો છે. આથી ભારતના દરેક વિસ્તારમાં રહેતા હિન્દી દર્શકો જીવન, સંબંધો અને માનતાની સુંદરતાની ઉજવણી કરવાની તક આપે છે. બઝિંગાનું સંચાલન આદિત્ય નારાયણ અને કૉમેડિયન હર્ષ લિમ્બાચિયા કરે છે. આ બંનેને દર્શકોને જકડી રાખે એ રીતે સંચાલન કરતા જોવાનું પણ સૌને ગમે છે.
આદિત્ય અને હર્ષે જણાવ્યું હતું કે, અમને બઝિંગા પરિવારનો હિસ્સો બન્યાનો આનંદ છે. આ એક નવા પ્રકારની રમત છે. જેમાં મસ્તી, મનોરંજન અને ઈનામોનો ત્રિવેણી સંગમ છે.