ટિમ પેને ફર્સ્ટ ક્લાસ ક્રિકેટમાંથી લીધી નિવૃત્તિ  

તસ્માનિયા માટે રમ્યો અંતિમ ડોમેસ્ટિક મૅચ 

બ્રિસબેન, તા. 17 : ઓસ્ટ્રેલિયાના પૂર્વ ટેસ્ટ કેપ્ટન ટિમ પેને શુક્રવારે તસ્માનિયાના ક્વીંસલેન્ડ સામે શેફીલ્ડ શીલ્ડ ફર્સ્ટ ક્લાસ મેચ પૂરો થયા બાદ સંન્યાસ લેવાની ઘોષણા કરી છે. વિકેટકીપર બેટ્સમેન પેને ઓસ્ટ્રેલિયા તરફથી કુલ 35 ટેસ્ટ મેચ રમ્યા હતા. જેમાંથી 2018થી 2021 સુધી 23 ટેસ્ટ મેચમાં કેપ્ટનશીપ નિભાવી હતી. દક્ષિણ આફ્રિકામાં 2018મા બોલ ટેમ્પરિંગના મામલામાં ફસાયા બાદ સ્ટીવ સ્મિથ પાસેથી કેપ્ટનશીપ લઈ લેવામાં આવી હતી અને પેન ઓસ્ટ્રેલિયાની ટેસ્ટ ટીમનો 46મો કેપ્ટન બન્યો હતો.