ટોક્યો, તા.27: ભારતની સુપરસ્ટાર જોડી સાત્વિક સાઇરાજ રંકીરેડ્ડી અને ચિરાગ શેટ્ટી બીડબ્લ્યૂએફ જાપાન ઓપન 750 બેડમિન્ટન ટૂર્નામેન્ટના ક્વાર્ટર ફાઇનલમાં પહોંચી ગઇ છે. આ ઉપરાંત મેન્સ સિંગલ્સમાં એચએસ પ્રણય અને યુવા ખેલાડી લક્ષ્ય સેને પણ ક્વાર્ટર ફાઇનલમાં સ્થાન જમાવ્યા છે.
તાજતેરમાં કોરિયા ઓપન જીતનાર સાત્વિક-ચિરાગે ડેનમાર્કના લાસ્સે મોલ્હેડે અને જેપ્પે બેને 21-17 અને 21-11થી હાર આપી હતી જ્યારે એચએસ પ્રણયનો હમવતન ખેલાડી કિદાંબી શ્રીકાંત વિરુદ્ધ 19-21, 21-9 અને 21-9થી વિજય થયો હતો. પ્રી. ક્વાર્ટરમાં લક્ષ્ય સેને જાપાની ખેલાડી કાંતા ત્સુનેયામાને 21-14 અને 21-16થી હાર આપીને ક્વાર્ટર ફાઇનલમાં પ્રવેશ કર્યો હતો. મહિલા ડબલ્સમાં ત્રિસા જોલી અને ગાયત્રી ગોપીચંદ હારીને બહાર થઇ હતી. અગાઉ પીવી સિંધુ પહેલા રાઉન્ડમાં જ હારી હતી.
