§ કોસ્ટગાર્ડ અને ગુજરાત એટીએસની ટીમે પીછો કરતા પાકિસ્તાની બોટમાંથી માદક દ્રવ્યોનાં 311 પૅકેટ દરિયામાં ફેંકી દેવાયાં
પોરબંદર,
તા.14 : આંતરરાષ્ટ્રીય જળસીમા નજીકથી ગુજરાતના દરિયામાં આવી રહેલી પાકિસ્તાનની એક
બોટમાં મોટી માત્રામાં ડ્રગ્સ હોવાની માહિતી કોસ્ટગાર્ડ અને એ.ટી.એસ.ને મળતા
રાત્રિના સમયે દરિયામાં વોચ ગોઠવવામાં આવતા શંકાસ્પદ બોટ ડિટેક્ટ થઇ હતી. સુરક્ષા
એજન્સીઓ એ બોટ સુધી પહોંચે એ દરમ્યાન જ ડ્રગ્સનો 311
પેકેટ જથ્થો કે જેની કિંમત 1800
કરોડ થવા જાય છે તે સમુદ્રમાં ફેંકીને પેડલરો તેમની બોટ
સાથે અંધારામાં ઓગળી જતા ભારે ચર્ચાઓ જાગી છે.
