ચૂંટણી પંચની વિશ્વસનીયતા પર ઊભો થયો વિવાદ

ચૂંટણી કમિશનરોની નિમણૂકથી લઈને મતદાર યાદી સુધી

ચૂંટણી પંચ સામે 25 સપ્ટેમ્બરે દેશવ્યાપી મોરચો

વિશેષ પ્રતિનિધિ તરફથી

નવી દિલ્હી, તા. 24 : દેશની રાજધાનીથી લઈને રાજ્યોના રાજકીય વર્તુળમાં આજકાલ ચૂંટણી પંચની કાર્યપ્રણાલીને લઈને ચર્ચાઓ ચાલી રહી છે. મતદાર યાદીનું ખાસ સઘન પુન:નિરીક્ષણ (એસઆઈઆર), ચૂંટણી પંચની અંદર નોંધાયેલા વાંધાઓ અને ચૂંટણી કમિશનરની નિમણૂક સાથે જોડાયેલા 2023ના કાયદાને લઈને રાજકીય પક્ષો વચ્ચે આરોપ-પ્રત્યારોપનો દોર ચાલી રહ્યો છે. આ સમગ્ર ઘટનાક્રમ પર સુપ્રીમ કોર્ટની સુનાવણીએ પણ આ ચર્ચાને વધુ મહત્ત્વપૂર્ણ બનાવી દીધી છે.