• શનિવાર, 04 ફેબ્રુઆરી, 2023

કો-લૉકેશન કેસમાં એનએસઈને કેટલો દંડ કરવો એ સેબી ચાર મહિનામાં નક્કી કરશે  

સિક્યોરિટીઝ માર્કેટમાં પ્રવેશવા બાબતે એનએસઈ પર છ મહિનાનો પ્રતિબંધ 

મુંબઈ, તા. 24 : સિક્યોરિટીઝ એપેલટ ટ્રિબ્યુનલે (એસએટી)એ કો-લૉકેશન કેસમાં એનએસઈને રૂા. 625 કરોડનો દંડનો સેબીનો અૉર્ડર સોટએઆઈકે કર્યો છે. આ ઉપરાંત એસએટીએ એનએસઈને સિક્યોરિટીઝ માર્કેટમાં પ્રવેશવા બાબતે છ મહિના માટે પ્રતિબંધ મૂક્યો છે.

એસએટીએ જણાવ્યું છે કે એનએસઈએ રૂા. 100 કરોડ સેબી દ્વારા સ્થાપવામાં આવેલા ઇન્વેસ્ટર પ્રોટેક્શન ફન્ડમાં જમા કરાવવા પડશે. એસએટીએ જણાવ્યું છે કે પેનલ્ટી (ડિસમોર્જમેન્ટ)ની રકમ સેબી ચાર મહિનામાં નક્કી કરશે. કો-લૉકેશન કેસ બાબતે સેબીએ અત્યાર સુધીમાં જે નિરીક્ષણો કર્યા છે એને અત્યારે પેનલ્ટીની રકમ સેબીએ નક્કી કરવાની છે.

પબ્લિક ઇસ્યૂમાં વિલંબ થઈ શકે

એસએટીએ એના ચુકાદામાં જણાવ્યું છે કે એનએસઈ છ મહિના સુધી સિક્યોરિટીઝ માર્કેટમાં પ્રવેશ નહીં કરી શકે. એક્સપર્ટસનું માનવું છે કે આને કારણે નેશનલ સ્ટોક એક્સ્ચેંજનું જાહેરભરણું હજી વિલંબમાં પડશે. એનએસઈનો પબ્લિક ઇસ્યૂનો પ્લાન ઘણા સમયથી વિલંબમાં છે. આ કેસનો ચુકાદો આવી જાય એ પછી જ ભરણું કરી શકાય. એનએસઈ 11.14 કરોડ શૅરનું ભરણું કરવાનો પ્લાન ધરાવે છે. મર્ચન્ટ બૅન્કર્સના અંદાજ મુજબ એનએસઈનું વેલ્યુએશન રૂા. બે લાખ કરોડ કરતાં વધુનું છે.

હવે ચાર મહિનામાં સેબી આ કેસ બાબતે શું નવો નિર્ણય લે છે એ પછી જ ભરણું લાવી શકાશે. આમા પણ એસએટીએ છ મહિના માટેનો પ્રતિબંધ મૂક્યો છે. જો અન્ય કોઈ અવરોધ ન આવે તો હવે એનએસઈનું જાહેર ભરણું જૂન 2023 પછી આવવાની શક્યતા છે. એસએટીએ એનએસઈને નિયમિત ધોરણે અમુક સમય બાદ સિસ્ટમ ઓડિટ્સ કરવા માટે જણાવ્યું છે. આ ઉપરાંત ટેક્નૉલૉજીક ચેઇન્જિસનું પણ અપ્રેઝલ કરવું પડશે.

કો-લાકેશન સ્કેમ શું છે?

એનએસઈએ અૉગસ્ટ 2009માં કો-લોકેશન ફેસિલિટીનો પ્રારંભ કર્યો હતો. આ ફેસિલિટી હેઠળ બ્રોકરો એનએસઈના ડાટા સેન્ટરમાં એમના સર્વર પ્લેસ કરી શકે. આના માટે અમુક ચોક્કસ ચાર્જ ચુકવવો પડતો હતો. આ સુવિધાને કારણે બ્રોકરોને અમુક ડાટા ઝડપથી મળતા હતા.

વર્ષ 2015માં સેબીને ફરિયાદ મળી હતી કે ટ્રેકિંગ મેમ્બર ઓપીજી સિક્યોરિટીઝે આ ફેસિલિટીનો ઉપયોગ પોતાના લાભ માટે કર્યો હતો. જેનાથી એમને મોટો નફો થયો હતો. એવો આક્ષેપ કરવામાં આવ્યો હતો કે ઓપીજી સિક્યોરિટીઝે એનએસઈની આઈટી ડિપાર્ટમેન્ટના કેટલાક અધિકારીઓની મદદ આ માટે લીધી હતી. 

સેબીએ વર્ષ 2019માં કો-લોકેશન કેસ બાબતે એનએસઈના ચીફ ચિત્રા રામકૃષ્ણ અને ભૂતપૂર્વ ચીફ રવિનારાયણ સામે શ્રેણીબદ્ધ અૉર્ડર્સ ઇસ્યુ કર્યા હતા.

એસએટીએ એ બાબતનો સ્વીકાર કર્યો છે કે ઓપીજી સિક્યોરિટીઝે નિયમોનો ભંગ કર્યો છે. જોકે, સેબીએ ઓપીજી અને એના ડિરેક્ટર્સને રૂા. 15.57 કરોડનો દંડ કર્યો હતો. એસએટીએ અૉર્ડર પણ સેટએસાઇડ કર્યો છે. ઓપીજી અને એના ડિરેકટરોની એનએસઈના અધિકારીઓ સાથે કોઈ સાંઠ-ગાંઠ હતી કે કેમ એ નક્કી કરવાનું પણ એસએટીએ સેબીને જણાવ્યું છે. એસએટીએ જણાવ્યું છે કે શૉ-કૉઝ નોટિસમાં જે પણ આક્ષેપો કરવામાં આવ્યા હતા એ પુરવાર થયા નથી. મોટા ભાગના આક્ષેપો સેબીના મેમ્બરે પડતા મૂક્યા હતા.