મેડ્રિડ, તા.28 : મેડ્રિડ સ્પેન માસ્ટર્સ બેડમિન્ટન ટૂર્નામેન્ટમાં ભારતીય સ્ટાર પીવી સિંધુ ક્વાર્ટર ફાઇનલમાં પહોંચી છે. વિશ્વ ક્રમાંકમાં 11મા નંબરની આ ભારતીય શટલરે પ્રી. ક્વાર્ટર મેચમાં 63મા ક્રમની ચીની તાઇપેની ખેલાડી હાંગ યૂ હુંગને 21-14 અને 21-12થી સજ્જડ હાર આપી હતી. અગાઉ સિંધુનો પહેલા રાઉન્ડમાં કેનેડાની ખેલાડી વાંગ યૂ ઝાંગ વિરુદ્ધ ફકત 30 મિનિટમાં 21-16 અને 21-12થી વિજય થયો હતો. બીજી તરફ ભારતની યુવા ખેલાડી અશ્મિતા ચહલ પહેલા રાઉન્ડમાં થાઇલેન્ડની ખેલાડી રત્નાચોક ઇંતાનોન સામે 13-21 અને 11-21થી હારીને બહાર થઇ હતી. પુરુષ વર્ગમાં ભારતના કિદાંબી શ્રીકાંત, કિરણ જોર્જ, મિથૂન મંજૂનાથ પહેલા રાઉન્ડમાં હારીને બહાર થયા છે.
