અમારા પ્રતિનિધિ તરફથી
મુંબઈ, તા. 29 : નાણાકીય વર્ષ 2023-24માં નિફટી મિડકૅપ-100 ઈન્ડેક્સમાં સમાવિષ્ટ પાંચ કંપનીઓના શૅરના ભાવમાં 200 ટકા કરતાં વધુની વૃદ્ધિ થઈ છે. પ્રભુદાસ લીલાધરના રિપોર્ટ મુજબ આ પાંચ કંપનીઓમાં આઈઆરએફસી, આરઈસી, રેલ વિકાસ નિગમ, બીએચઈએલ અને પાવર ફાઈનાન્સ કૉર્પોરેશનનો સમાવેશ થાય છે.
પ્રભુદાસ લીલાધરના રિપોર્ટ મુજબ આઈઆરએફસીના શૅરનો ભાવ 31 માર્ચ 2023ના રોજ રૂા. 26.60 હતો એ 448 ટકા વધીને 26 માર્ચ, 2024ના રોજ રૂા. 145.70ના લેવલે પહોંચ્યો છે. આરઈસીના શૅરનો ભાવ 31 માર્ચ, 2023ના રોજ રૂા. 115.50 હતો એ 26 માર્ચ, 2024ના રોજ વધીને રૂા. 461.40 થયો છે. ભાવમાં 300 ટકાનો વધારો થયો છે.
રેલ વિકાસ નિગમના શૅરનો ભાવ 31 માર્ચ 2023ના રોજ રૂા. 68.60 હતો એ 280 ટકા વધીને 26 માર્ચ 2024ના રોજ રૂા. 260.50 થયો છે. બીએસઈએલના શૅરનો ભાવ 31 માર્ચ 2023ના રોજ રૂા. 70.10 હતો એ 26 માર્ચ 2024ના રોજ 242 ટકા વધીને રૂા. 239.80 થયો છે.
પાવર ફાઈનેન્સ કૉર્પોરેશનના શૅરનો ભાવ 31 માર્ચ 2023ના રોજ રૂા. 121.40 હતો એ 225 ટકા વધીને 26 માર્ચ 2024ના રોજ રૂા. 395 થયો છે.
