• શનિવાર, 13 એપ્રિલ, 2024

અદાણી ગ્રુપની કંપનીઓમાં જીક્યુજી પાર્ટનર્સના રોકાણનું મૂલ્ય વધીને રૂા. 26,000 કરોડ જેટલું થયું  

અદાણી ગ્રુપની ચાર કંપનીઓના માર્કેટ કૅપમાં જીક્યુજીનો હિસ્સો 3.23 ટકા

અમારા પ્રતિનિધિ તરફથી

મુંબઈ, તા. 27 : અદાણી ગ્રુપની પાંચ કંપનીઓમાં જીક્યુજી પાર્ટનર્સના રોકાણનું મૂલ્ય વધીને રૂા. 26,000 કરોડ જેટલું થયું છે. અદાણી ગ્રુપની પાંચ કંપનીઓના કુલ માર્કેટ કૅપમાં જીક્યુજીનો હિસ્સો 3.23 ટકાનો થયો છે. જીક્યુજી પાર્ટનર્સએ અદાણી ગ્રુપની જે પાંચ કંપનીઓમાં રોકાણ કર્યું છે એમાં અદાણી એન્ટરપ્રાઇસીસ, અદાણી પોર્ટ્સ, અદાણી ગ્રીન ઍનર્જી, અદાણી ટ્રાન્સમિશન અને અમ્બુજા સિમેન્ટ્સનો સમાવેશ થાય છે.

જીક્યુજી પાર્ટનર્સએ માર્ચ, 2023માં સૌપ્રથમ અદાણી ગ્રુપની ચાર કંપનીઓમાં રૂા. 15,446 કરોડનું રોકાણ કર્યું હતું.જીક્યુજીએ વધુ રોકાણ કર્યું જીક્યુજીએ અદાણી ગ્રુપની કંપનીઓમાં મે મહિનામાં 50 કરોડ ડૉલરની ખરીદી કરી હતી. જૂનમાં વધુ એક અબજ ડૉલરના શૅર્સની ખરીદી કરી હતી. જીક્યુજીએ જુલાઈમાં જણાવ્યું હતું કે અદાણી ટ્રાન્સમિશનની ઇક્વિટીમાં એનું હોલ્ડિંગ વધીને 6.54 ટકા થયું છે, જેનું મૂલ્ય રૂા. 5887.32 કરોડનું છે.

અદાણી એન્ટરપ્રાઇસીસમાં જીક્યુજી પાર્ટનર્સનું રોકાણ રૂા. 7443 કરોડ, અદાણી ગ્રીન ઍનર્જીમાં રૂા. 6189.40 કરોડ અને અદાણી પોર્ટ્સમાં રૂા. 5022 કરોડનું છે. આ ઉપરાંત, જીક્યુજી પાર્ટનર્સ ઇમર્જિંગ માર્કેટ્સ ઇક્વિટી ફન્ડનું અમ્બુજા સિમેન્ટ્સમાં રૂા. 1202 કરોડ અને અદાણી પોર્ટ્સમાં રૂા. 1710 કરોડનું રોકાણ છે.

ઇ-પેપરના નવા શુલ્ક
હેડલાઇન્સ